МОНФА онлайн эмийн сан

Антиоксидант гэдэг анти буюу эсрэг, оксидант буюу исэлдэлт гэсэн утгатай Латин үг.Антиоксидантыг гарган авч буй аргаар байгалийн гаралтай болон нийлэг гаралтай гэж хуваан үздэг.Байгалийн гаралтай антиоксидантыг энзиматик болон энзиматик бус хэмээн ангилдаг. Энзиматик бус ангиллыг эрдэс бодис, витаминууд, каротинойд, полифенол болон бусад хэмээн ангилдаг. Астаксантин гэдэг нь Каротинойд бүлгийн антиоксидант буюу байгалийн гаралтай хамгийн хүчтэй антиоксидантын бүлэгт хамаарагдана. Мөн химийн шинж чанараар нь усанд уусдаг буюу гидропифик антиоксидант болон тосонд уусдаг буюу липофилик антиоксидант хэмээн ангилдаг. Усанд болон тосонд уусдаг антиоксидантыг верситал антиоксидант хэмээн нэрлэдэг ба астаксантин нь верситал антиоксидант юм. Астриа нь бусад байгалийн гаралтай антиоксидантуудтай харьцуулан судлахад витамин С-ээс 6000 дахин илүү, витамин Е-ээс 550 дахин илүү, КоЭнзим Q10-ээс 800 дахин илүү, ногоон цайны ханднаас 550 дахин илүү, β-каротинаас 11 дахин илүү хүчтэй болох нь 2007 онд Nishida, Yamashita нарын судалгаанд тодорхойлогдсон байдаг. <blockquote>Астаксантин нь далайн бүтээгдэхүүнүүдэд түлхүү агуулагддаг бөгөөд далайн улаан өнгийн амьтан, ургамалд агуулагддаг. Үүнээс хамгийн өндөр тунгаар агуулдаг нь далайн улаан замаг буюу Haematococcus pluvialis&nbsp;ба Астриа бүтээгдэхүүнийг тус замгаас гарган авсан бөгөөд Японы Mitsubishi Corp Biotechnology – BIOGENIC компанид өсгөн үржүүлж зах зээлд нийлүүлдэг. Тус замаг нь анх ногоон өнгөтэй байдаг бөгөөд нарны хэт улаан туяаны үйлчлэлээр улаан өнгөтэй болдог ба улаан өнгө нь хүрэн улаан өнгөтэй байвал хамгийн дээд зэргийн астаксантин үүссэнд тооцдог.</blockquote> <img src="https://cdn.zochil.shop/564dadaf-acfb-42df-8feb-e05e83e1cf86_t500.png">Фармакологийн үйлдэл:• Астриа нь хүчтэй антиоксидант бөгөөд усанд уусах болон тосонд уусах шинж чанартай тул эсийн тосон орчин буюу эсийн мембраны дотор талд болон усан орчин буюу эсийн гадна, цитозол орчинд антиоксдант нөлөөг үзүүлдэг.• Астриа нь митохондрийн үйл ажиллагааны алдагдлыг засах, митохондрын хэт исэлдэлтийг бууруулах, чөлөөт радикал үүсэлтийг бууруулах зэрэг нөлөөг үзүүлснээр үрэвслийн дохио дамжилтыг бууруулж эсийн үйл ажиллагааны алдагдлыг засах, митохондрын апоптозыг бууруулснаар эрүүл урт наслах нөхцлийг бүрдүүлнэ. Мөн бүх төрлийн үрэвсэлт эмгэг, зүрх судасны тогтолцооны эмгэг, мэдрэлийн тогтолцооны эмгэг, бодисын солилцооны тогтолцоонд эерэг нөлөөг үзүүлдэг.• Эсийн митохондрын исэлдэлтийн процессыг бууруулах ба үрэвсэл өдөөдөг NFkB-ын түвшинг бууруулж чөлөөт радикалын донор болж өгснөөр исэлдэлтийг бууруулах нөлөөтэй. Астриа нь эдгээр үйлдлүүдийг үзүүлдэг. Үүнд:Үрэвслийн эсрэг нөлөө:NFkB-ын түвшинг бууруулснаар TNF-α, IL-1β бууруулах Антиоксидант,Хавдрын эсрэг нөлөө:Хавдрын эсийн үсэрхийллийг бууруулдаг ба cell line судалгаанд өндөр тунгаар хэрэглэх үед бие даасан хавдрын эсрэг нөлөө тодорхойлогдсон байна.Өөх тосны бодисын солилцоог засах нөлөө:Антиоксидант тогтолцоо алдагдсан үед өөх тосны хуримтлал үүссэнээр таргалалт, атеросклероз зэрэг эмгэгийн эрсдэл нэмэгддэг ба Астриа нь липидийн тогтолцоонд эерэг нөлөө үзүүлснээр биеийн жинг барих болон биеийн жин хасах нөлөө үзүүлдэг.Арьсны гоо сайхны нөлөө:Астриа нь арьсны гоо сайханд эерэг нөлөөтэй ба 2020 онд Сингапурын Үндэсний Их Сургуулиас эдгээр нөлөөг баталсан байна. Астаксантин нь арьсны хоригийн үйл ажиллагааг сайжруулах ба арьсны үрэвсэлт эмгэгүүдийг бууруулдаг. Мөн арьсны үрчлээг багасгах, нарны хэт ягаан туяанаас арьсыг хамгаалах, арьсны чийгшилтийг хадгалах, насны хамааралт арьсны нөсөө толбыг бууруулдаг болох нь батлагдсан. Арьсны эмгэг талаас арьсан доорх давхаргын үрэвслийг бууруулах нөлөөтэй ба ШМЭ (шигүү мөхлөгт эс)-ийн хэт идэвхжилтийг бууруулснаар арьсны үрэвсэл болон арьсны харшлын үед эерэг нөлөөг үзүүлдэг. Хэрэглэх заалт:• Антиоксидант үйлдэлтэй бөгөөд бие махбодыг чөлөөт радикал болон агаарын бохирдлыннөлөөллөөс хамгаалж үрэвслийн эсрэг, гоо сайхны зорилгоор хэрэглэнэ.• Арьсны үрчлээ, толбо, нөсөөг багасгах• Амьсгалын замын эмгэгийн хавсарсан эмчилгээнд• Үрэвсэлт эмгэгийн хавсарсан эмчилгээ зэрэгт хэрэглэнэ.

БАЙГАЛИЙН ГАРАЛТАЙ АНТИОКСИДАНТ

Д.ЦЭНДЭЭХҮҮ: ХАНИАД ТОМУУ ОЛОН ТӨРЛИЙН ВИРУСЭЭР ҮҮСГЭГДЭЖ БАЙГАА ТУЛ ЯЛГАН ОНОШИЛЖ ОНОВЧТОЙ ЭМЧИЛГЭЭ ХИЙЛГЭХ НЬ ИЛҮҮ ҮР ДҮНТЭЙ

Манай улсад тэргүүлэх таван хавдарт ходоод, улаан хоолойн хорт хавдар, өвчлөл ордог. Ходоод, улаан хоолойн хавдар үүсгэх хүчин зүйлсийн дийлэнх нь тухайн хүний амьдралын хэв маяг, хооллолт, дадал зуршилтай холбоотой. Тэгвэл хорт хавдар үүсгэхэд нөлөөлдөг ходоодны урьдал өвчин, шинж тэмдэг, тэдгээрээс хэрхэн урьдчилган сэргийлэх, эмчилгээний талаар "Монфа трейд" ХХК-ийн эмч төлөөлөгч Х.Гарьдтай ярилцсанаа хүргэж байна.&nbsp; Монголчуудад түгээмэл тохиолддог ходоодны өвчин эмгэг түүний шалтгааны талаар хэлж өгөөч?&nbsp; Хүмүүсийн дунд түгээмэл тохиолдож байгаа өвчин, хорт хавдарт яалтачгүй ходоодны өвчлөл орж байна. Тэр дундаа ходоодны шарх шархлаа, хорт хавдрын тохиолдол жил ирэх тусам нэмэгдэх хандлагатай байна. Том хүн гэлтгүй бага өсвөр насны хүүхдүүдийн дунд ч өргөн тохиолдож байгаа нэг өвчин нь ходоодны сөөргөө. Ходоодон дахь агууламж буцаад улаан хоолой руу цутгаж байгаа байдлыг сөөргөө гэдэг. Сөөргөө нь харьцангуй насанд хүрсэн хүмүүст их тохиолддог боловч хүүхдэд тохиолдох нь нэмэгдэж байгаа нь анхаарал татсан асуудал болоод байгаа.Шалтгаалах хэд хэдэн хүчин зүйлс байна. Үүнд, амьдралын хэв маяг, буруу хооллолт түүний дотор кофе, алкоголийн хэт хэрэглээ, шарсан хуурсан халуун ногоотой түргэн хоолнууд, хооллолт хоорондын зай алдагдах, унтахаас өмнө идэх эсвэл хоосон ходоод дээр нэг дор их иддэг зэрэг байдлаас шалтгаалж ходоод хямарч улмаар сөөргөө үүсгэдэг.&nbsp; <blockquote class="ql-align-justify">Нэн ялангуяа хорт зуршил архи тамхины хэрэглээ, стрессийн шалтгаан нь ходоодны сөөргөө өвчнийг үүсгэх голлох хүчин зүйлс болж байна.</blockquote> Ходоод ер нь ямар бүтэц үйл ажиллагаатай эрхтэн бэ? Дээрх хүчин зүйлс яаж нөлөөлөөд ходоодыг гэмтээж байна вэ?&nbsp; Ходоод нь хэвлийн зүүн дээд хэсгийн дөрөвний нэгт байрладаг ба дээд, их бие, төгсгөл гэсэн гурван хэсэгтэй. Эдгээр байрлалаар нь ходоодны шүүрэл ялгаруулах булчирхайнуудыг үндсэн гурван хэсэгт авч үздэг. Дээд болон их бие хэсгийн булчирхайнуудаас хоол боловсруулахад нэн шаардлагатай голлох шүүрлүүд ялгарч байдаг. Ходоод нь маш хүчиллэг буюу 1.5-3 pH орчинтой. Идсэн хоол улаан хоолойгоор дамжиж ходоодонд очоод ялгарч буй шүүрлийн тусламжтайгаар хоолыг задалж шингэхэд бэлэн болгох процесс явагдаж цааш нарийн гэдсэнд орж шимэгддэг.Жишээлбэл, Нэг таваг хоол идэхэд ходоодонд дунджаар 2-4 цагийн хугацаанд задалж шингээх үйл ажиллагаа явагддаг гэсэн үг.&nbsp; <blockquote class="ql-align-justify">Нүүрс усны агууламж ихтэй хоол идсэн бол ходоодонд 1-2 цаг, уураг өндөртэй махан хоол 4 цаг орчим, өөх тостой хоол бүр 6 цаг, түүнээс ч удаан хугацаа шаардагдаж болно.&nbsp;</blockquote> Ингэхдээ ходоодны гарах хэсэгт буюу төгсгөл хэсэгт ойролцоогоор 30 мл хагас боловсорсон хоол агуулагдаж үүнээс ходоод агших хөдөлгөөн бүрт ердөө 3 мл нь нарийн гэдэс рүү ордог. Тиймээс хоол боловсруулах хугацаа удаан, шат дараатай үргэлжилдэг. Хоолыг боловсруулах энэхүү процесс алдагдах буюу тухайн хүн өлсөөгүй байсан ч нэмж идсэнээр ходоодны агууламж өсөж, ходоод хямардаг. Ходоод нь нэг талдаа хүчиллэг шүүс ялгаруулдаг бол нөгөө талдаа ходоодыг хамгаалах хүчлийг саармагжуулах шүүсийг мөн ялгаруулж тэнцвэржүүлдэг. Хоол идээгүй үедээ амарч байх ёстой. Гэтэл амраахгүй нэмээд хоол идээд байхаар ходоодны үйл ажиллагаа алдагдана.&nbsp;Ходоодны дээд болон доод хэсэгт хунигч булчингууд ажилладаг бөгөөд дээд хунигч булчингууд зөвхөн юм идэх үед нээгдэж бусад үед хаагдаж, ходоодноос хоолны агууламж буцаж гарахаас сэргийлж байх байх үүрэгтэй. Гэтэл энэ хунигч булчингийн үйл ажиллагаа алдагдаж бучингийн сулрал болох зэргээс шалтгаалж ходоодонд байгаа хүчиллэг агууламж буцаад улаан хоолой руу цацдаг. Энэ нь сөөргөө өвчин үүсгэх цаашлаад улаан хоолойн хавдарт шилжих эрсдэлийг нэмэгдүүлдэг. Ходоодны тэнцвэрт байдал алдагдах, сөөргөө үүсэх үед ямар шинж тэмдэг илэрдэг вэ?&nbsp; <blockquote class="ql-align-justify">Ходоод байнга цанхайж дүүрсэн мэдрэмж төрөх, цээж хорсох, улаан хоолой руу гашуун амт амтагдах шинж илэрнэ. Цээж хэсгээр хорсож өвдөх нь сөөргөөний гол шинж.</blockquote> Ходоодны салст бүрхүүл нь буруу хооллолт, архи тамхины шалтгаантайгаар гэмтэж цаашлаад улайлт, шарх үүсгэдэг. Гэхдээ энэ нь ердөө нэг шалтгаан нь гэдгийг санах хэрэгтэй. Удаан үргэлжилбэл ходоодны хавдрын эрсдэл нэмэгдэх хүртэл эрсдэлтэй.Хэдийгээр сөөргөөг нөхцөлдүүлэгч мэдрэлийн гаралтай, булчингийн үйл ажиллагааны алдагдал, халдвар тэр бүү хэл зарим эмийн шалтгаантай байж болох ч үүний дотор хорт зуршил, алкоголийн хэрэглээ хамгийн их сөрөг нөлөөтэй. Хоол идээгүй үед хаагдаж байх ёстой өнөөх хунигч булчинг хамгийн ихээр гэмтээж, гүйцэд хаагдахгүй буцаад улаан хоолой руу агууламж цацагдаж цээж ходоод хорсох зовуурь өгдөг.&nbsp; Хэдий хугацаанд сөөргөө үүсдэг вэ? Хамгийн эхэнд ямар арга хэмжээ авах вэ?&nbsp; Хамгийн эхэнд өгөх зөвлөмж бол хооллолтоо зохицуулах явдал. Дээр хэлсэн хоолны хэмжээ, шингэх механизмыг ойлгочих юм бол хоолоо зохицуулж чадна. Мах, өөхтэй хоол их хэмжээгээр идсэн бол ходоодонд 6 цаг орчим байна гэж тооцоод тэр хугацаанд дахиж хүнд хоол идэхгүй байх зэргээр анхаарах.Нэгэнт сөөргөө өгөөд эхэлж байна гэдэг нь зөвхөн ганц удаагийн буруу хооллолт биш тодорхой хугацаанд давтагдсанаас болж үүссэн байдаг тул дан хооллолтоор хэвийн болоход хэцүү. Сөөргөөтэй үед тэгвэл ямар эмчилгээ хийх вэ? Бүрэн эдгэрэх үү?&nbsp; Бүрэн эмчлэгдэнэ. Харин дээрх дурдсан шалтгаануудаас үүдэн ходоодны хүчил хэвийнээс илүү ялгарснаар хүндэрч ходоодны шарх, сөөргөөг хүндрүүлсэн бол хэцүү.&nbsp; <blockquote class="ql-align-justify">Цээж хорсох, хэвийн бусаар ялгарч байгаа ходоодны хүчлийг дарах эмчилгээний эхний сонголт нь ходоодны хүчлийг саармагжуулах эмчийн эмчилгээ юм.</blockquote> Мөн ходоодны хөдөлгөөнийг идэвхжүүлж, ходоод дахь агууламжийг түргэн нарийн гэдэс рүү хүргэх эмчилгээ байдаг. Өөр нэг эмчилгээ нь ходоодны хүчил ялгаруулах булчирхайн үйл ажиллагааг дарангуйлах байдлаар эмчлэх арга байдаг. Нарийн мэргэжлийн эмчид үзүүлж оношлуулсны дараагаар эдгээр эмчилгээнүүдээс тохирох эмчилгээг зөвлөдөг. Бүр хүндэрсэн нөхцөлд мэс заслын эмчилгээ яригдана. Хэдий хугацаанд эмийн эмчилгээ хийх шаардлагатай вэ? Антацид (ходоодны хүчил саармагжуулах) бүлгийн эмнүүдийг удаан хугацаанд хэрэглэж болдог. Харьцангуй сөрөг нөлөө багатай. Аль ч тохиолдолд антацид бүлгийн эмийг хэрэглэх нь үр дүнтэй гэж зөвлөх байна.Антацид дотроо найрлагын хувьд хэд хэдэн ялгаатай эмнүүд бий. Үүнд, магнийн гидроксид болон хөнгөн цагааны гидроксид, кальцийн давстай гэх зэргээр өөр өөр найрлагатай. Хөнгөн цагааны гидроксид агуулсан антацид эм нь өтгөн хатах, тархи мэдрэлийн үйл ажиллагаа, ясны сийрэгжилтэд нөлөөлж байна гэх гаж нөлөө илэрсэн тул аль болох хөнгөн цагаан агуулсан антацид эмийг хэрэглэх нь буурсан. Харин, <blockquote class="ql-align-justify">Магнийн гидроксид агуулсан антацид нь ходоодны хүчлийг саармагжуулах замаар цээж хорсолт, дотор халуу оргих шинж тэмдгүүдийг арилгаж, өтгөний шингэн байдлыг нэмэгдүүлж, өтгөн хаталтаас сэргийлэх, харьцангуй гаж нөлөө багатай гэдэг утгаараа илүүтэй зөвлөдөг.&nbsp;</blockquote> Тиймээс эмчийн заавраар өөрийн онцлогт тохируулан эмийг сонгож хэрэглэх нь зүйтэй. ПРОМАГ ходоодны хүчил саармагжуулах антацид эмийг ходоодны сөөргөөтэй, ходоод хямарсан үед хэрэглэхэд үр дүнтэй, хамгийн гаж нөлөө багатай эм гэдэг нь клиникт батлагдсан. Найрлагатаа ходоодны салст бүрхүүлийг хамгаалах гидроталтцит 200 мг, ходоодны шүүсний давсны хүчлийг саармагжуулах магнийн гидроксид 150 мг, гэдэс дүүрэх шинж тэмдгийг арилгах симетикон 50мг агуулсан шахмал хэлбэрийн бүтээгдэхүүн бөгөөд ходоодны хүчил ихэссэн, цээж хорссон, сөөргөө өвчний үед хэрэглэхэд хамгийн тохиромжтой. Эмийн тун хэтрүүлэхгүйн тулд шинж тэмдэг зовууриас хамаарч өдөрт дээд тал нь 4-6 шахмалаас хэтрүүлэн хэрэглэхгүй.&nbsp;&nbsp; <img src="https://cdn.zochil.shop/08e906fc-d814-468b-a32a-febe19def590_t500.jpg">Хоол шингээлт сайжруулах эмнүүд болон ходоодны хүчил багасгах шүлтлэг ус, рашаан зэргийг хүмүүс өдөр тутамдаа уух болж. Эдгээр нь ходоодны үйл ажиллагааг дэмждэг үү?&nbsp; Хооллолтын дэглэмээ зохицуулах нь л хамгийн чухал. Сөөргөө үүссэн хүмүүс бол ходоодны хүчлээ саармагжуулах зорилгоор шүлтлэг ус зэргийг уухад зүгээр. Харин хоол боловсруулалтыг дэмждэг, энзим агуулсан эмнүүд нь ходоодонд нөлөөлөхгүй. Эдгээр нь ходоодноос гараад шимэгдэлт явагдах үед л нөлөөлдөг. Тиймээс ходоодны өвчлөлийн үед дээр хэлсэн хүчил саармагжуулах эмийн эмчилгээг (антацид) хэрэглэх нь үр дүнтэй.Нөгөөтээгүүр, Эрүүл ходоодтой, сөөргөөгүй хүмүүс заавал хүчил дарангуйлах шүлтлэг ус байнга уух шаардлагагүй. Харин ч эсэргээрээ эрүүл ходоодтой хүмүүс хоол идсэн даруйдаа шүлтлэг ус хэт ихээр уухгүй байх нь дээр. Багадаа 30 минутын дараа уухыг зөвлөдөг. Учир нь ходоодны өөрийн хүчиллэг орчин хоолыг задалж цааш шингээх үүрэгтэй болохоор усыг хэтрүүлэх нь хүчлийг саармагжуулж хоол шингээх процессийг удаашруулах талтай.&nbsp; <blockquote class="ql-align-justify">Зөв цагтаа зөв хэмжээгээр зөв хоолоо идэх нь л ходоодоо хайрлах хамгийн сайн урьдчилан сэргийлэлт.</blockquote>

АМАНД ГАШУУН АМТАГДАХ, ЦЭЭЖ ХОРСОХ, СӨӨРГӨӨНИЙ ҮЕД ХҮЧЛИЙГ СААРМАГЖУУЛАХ ЭМИЙН ЭМЧИЛГЭЭ ҮР ДҮНТЭЙ

Нялх хүүхдийн дархлаа нь насанд хүрэгчдийнх шиг бүрэн тогтож амжаагүй байдаг. Тиймээс хүүхдээ хөхөөр хооллох, товлосон вакцинуудад хамруулах нь тэднийг хүнд эрсдэлт өвчнүүдээс хамгаалаад зогсохгүй амь нас эрсдэх аюулаас хамгаалахад тусалдаг байна.Дархлааны систем гэдэг нь таны биеийн хамгаалалт, цэрэг арми, хил гааль гэсэн үг. Гаднаас орж ирсэн бүхнийг байнга хянаж хор учруулж болзошгүй зүйл байна уу үгүй юу гэдгийг шалгаж аюулгүй зүйлсийг “гаалиар” нэвтрүүлдэг. Аюултай зүйл орж ирлээ гэж үзвэл хамгаалалтаа явуулна. Тэд мөн өмнөх довтолгоог ‘санаж’ байгаа тул дараагийн удаа түүнтэй илүү хялбар тэмцэх боломжтой болно.<h4>Нялх хүүхдийн дархлааны систем</h4>Нялх хүүхдийн дархлааг үүсгэгч эсрэг биетүүд нь эхийн хэвлийд байхаас бүрэлддэг.&nbsp;Жирэмсний сүүлийн 3 сард ихэсээр дамжин хүүхдэд очсоноор нялх хүүхдийн дархлааны систем бий болдог байна. Ингэснээр хүүхдийг төрөх үед дархлааны анхдагч тогтолцоо бий болж, өөрийгөө гадна орчноос хамгаалж эхэлдэг.&nbsp;Нялх хүүхдийн дархлааны систем нь тухайн ээжийн биеийн онцлог, нас, дархлааны тогтолцооноос хамаарч харилцан адилгүй байна.Төрсний дараа дархлааны системийг бүрдүүлэгч эсрэг биетүүд нь хүүхдэд ангир уураг болон хөхний сүүгээр дамждаг. Гэвч нялх хүүхдийн дархлаа нь насанд хүрэгчдийнх шиг төлөвшөөгүй хэвээр байна. Дутуу төрсөн нярай хүүхдүүдийн дархлаа нь эхээс хангалттай олон эсрэг-бие авч чадаагүй тул халдвар авах эрсдэл өндөр байдаг. Хүүхэд вирус, бактерид өртөх бүрдээ эсрэг бие үүсгэдэг. Мэдээж нялх хүүхдийн дархлаа бүрэн төлөвшихөд цаг хугацаа шаардагдана.Төрөх үед эхээс дамждаг идэвхгүй дархлаа нь удаан үргэлжлэхгүй бөгөөд төрсний дараах эхний хэдэн долоо хоног, саруудад буурч эхэлнэ.<h4>Хүүхдийнхээ дархлааг хэрхэн сайжруулах вэ?</h4>Таны хүүхэд өвдөх бүрд ирээдүйд тэднийг хамгаалах шинэ эсрэг-биетүүдийг бий болдог гэж ойлгож болно. Ингээд нярайн дархлааг дэмжих аргуудыг танд хүргэе.Хөхөөр хооллохХөхний сүү нь хүүхдийн дархлааг дэмжих уураг, өөх тос, сахар, эсрэг-бие ба пробиотик зэрэг олон төрлийн элементүүдийг агуулсан байдаг.&nbsp;Ээж нь микроб буюу энгийн нүдээр олж харах боломжгүй бичил амьд биетүүдтэй харьцахдаа халдварын эсрэг тэмцэхэд нь туслах дархлааг үүсгэдэг. Эдгээр нь эхийн сүүгээр дамжин хүүхдэд очдог байна. Ээж, нярай хүүхэд хоёр ихэвчлэн ижил төстэй нянгаар өвчилдөг тул нялх хүүхэд хамгаалагдсан гэсэн үг юм.Эхийн сүүгээр хооллож буй хүүхдүүд халдвар бага тусч, нярайн сүүн тэжээлээр хооллож байгаа хүүхдээс илүү хурдан эдгэдэг. Гэсэн хэдий ч хөхөөр хооллох нь хүүхдээ полиомиелит, сахуу, улаан бурхан зэрэг ноцтой, амь насанд аюултай халдвараас хамгаалж чадахгүй. Тиймээс эдгээр өвчлөлөөс хамгаалах дархлааг бүрдүүлэхийн тулд товлолт вакцинжуулалтад зайлшгүй хамрагдах ёстой юм.ВакцинжуулалтХүүхдийг вакцинжуулах нь тэднийг ноцтой халдварт өвчлөлүүдээс хамгаалах хамгийн найдвартай бөгөөд үр дүнтэй арга юм.&nbsp;Энэхүү товлолт вакцинд хамрагдаж чадаагүйгээс болж дэлхий даяар 20 секунд тутамд бага насны нэг хүүхэд энддэг гэсэн тооцоог Дэлхийн эрүүл мэндийн байгууллага гаргажээ.Вакцинжуулалт нь вирус эсвэл бактеритай адил дархлааны хариу урвалыг үүсгэдэг. Хэрэв таны хүүхэд ирээдүйд жинхэнэ өвчинтэй хавьтах юм бол дархлааны систем нь үр хөврөлийг таньж, өвчинтэй тэмцэх эсвэл ноцтой хүндрэлээс урьдчилан сэргийлэхэд хангалттай хурдан хариу үйлдэл үзүүлнэ гэсэн үг юм. Монгол улсын хувьд “Дархлаажуулалтын үндэсний товлолын дагуу” дархлаажуулалтыг хүн амд үнэ төлбөргүйгээр хийдэг билээ. Хүүхдийг төрснөөс эхлээд 24 цагийн дотор,&nbsp;2 сар, 3 сар, 4 сар, 9 сар, 2 насанд Сүрьеэ, Халдварт саа, Гепатит В, Сахуу, Хөхүүл ханиад, Татран, Хемофилиус инфлюенза, Улаанбурхан, Гахайн хавдар, Улаанууд зэрэг 10 гаруй өвчнөөс сэргийлэх 6 төрлийн вакциныг зайлшгүй хийлгэх шаардлагатай байдаг.Хоолны дэглэм ба нэмэлт тэжээлАнтибиотик уух нь хүүхдийн гэдэс дотрын зарим бактерийг устгадаг бөгөөд дархлаанд чухал ач холбогдолтой юм. Антибиотик хэрэглэсний дараа нярай хүүхдийн дархлааг нэмэгдүүлэх арга бол пробиотикийг санал болгодог. Жирэмсний хожуу үе болон хүүхэд төрсний дараа пробиотикийг хэрэглэхэд аюулгүй байдаг. Нялх хүүхдэд пробиотик өгөхөөс өмнө эмчийн зөвлөгөө аваарай.Ихэнх тохиолдолд эхийн сүү, нярайн сүүн тэжээл нь таны хүүхдэд шаардлагатай бүх витамин, эрдэс бодисоор хангадаг. Нялх хүүхдэд нэмэлт витамины бэлдмэл хэрэглэх зайлшгүй шаардлагатай бол зайлшгүй эмчийн зөвлөмжийн дагуу хэрэглэх хэрэгтэй.ДЭМБ-ын зөвлөмжийн дагуу нярай хүүхдийг төрсний дараа 1 цагийн дотор ангир уургийг амлуулж,&nbsp;6 сар хүртэл нь эхийн сүүгээр хооллож,&nbsp;6 сартайгаас эхлээд нэмэгдэл хоол өгөх тухай зөвлөмж байдаг. Бор хоолонд орж эхэлмэгц дархлааг эрүүл байлгахын тулд, олон төрлийн шинэ хоол хүнс, нухсан ногоо, жимс жимсгэнэ хангалттай байх ёстой. Бор хоолонд оруулж байхдаа нэмэлтээр хөхний сүүг нь 2 нас хүртэл өгч байхыг зөвлөдөг.Эх сурвалж: <a href="https://www.pregnancybirthbaby.org.au/how-your-babys-immune-system-develops" rel="noopener noreferrer" target="_blank">https://www.pregnancybirthbaby.org.au/how-your-babys-immune-system-develops</a><a href="http://www.tusgal.mn/tanii-khuukhed-zaawal-waktsin-khiilgekh-yostoi-yuu" rel="noopener noreferrer" target="_blank">http://www.tusgal.mn/tanii-khuukhed-zaawal-waktsin-khiilgekh-yostoi-yuu</a><a href="https://www.nccd.gov.mn/index.php/zuvulguu/zuvulguu-epi/vaccine-zaaval-hiih" rel="noopener noreferrer" target="_blank">https://www.nccd.gov.mn/index.php/zuvulguu/zuvulguu-epi/vaccine-zaaval-hiih</a><a href="https://gogo.mn/r/nyoe9?fbclid=IwAR2f6eUDHdvm8y93Wz4AMs3Y0YZh0pG94tTR2chjDmNsRXIgMsqH_Rd11dw" rel="noopener noreferrer" target="_blank">https://gogo.mn/r/nyoe9?fbclid=IwAR2f6eUDHdvm8y93Wz4AMs3Y0YZh0pG94tTR2chjDmNsRXIgMsqH_Rd11dw</a>

НЯЛХ ХҮҮХДИЙН ДАРХЛАА ХЭРХЭН ХӨГЖДӨГ ВЭ?

ХҮҮХДИЙН ХООЛНЫ ЗУРШИЛ БУУРАХ ШАЛТГААНУУД, ХЭРХЭН НЭМЭГДҮҮЛЭХ ВЭ?

НҮДНИЙ ЭРҮҮЛ МЭНДТЭЙ ХОЛБООТОЙ ТҮГЭЭМЭЛ АСУУЛТУУД

Хуурайшилттай нүдийг намдаахын тулд юу хийж чадахаа мэдэхгүй байна уу?&nbsp;Нүдний хараа, нүдний эрүүл мэндтэй холбоотой асуудлаар эмчтэйгээ уулзахаар цаг товлох нь үргэлж сайн байдаг.&nbsp;Гэсэн хэдий ч энэ хугацаанд нүдний хуурайшсан шинж тэмдгийг арилгахын тулд та юу хийж чадах вэ гэж бодож магадгүй юм.Бид нүдний хуурайшилтад зориулсан байгалийн үр дүнтэй эмчилгээнүүдийн жагсаалтыг танд танилцуулж байна.&nbsp;НҮД ХУУРАЙШИХ ХАМ ШИНЖ (DES) ГЭЖ ЮУ ВЭ?Нүдний хуурайшилт гэдэг бол нулимсны хэмжээ бага, эсвэл нулимсны чанар хангалтгүй байдгаас үүдэлтэй нийтлэг эмгэг юм.&nbsp;Нүд хуурайших нь бага зэргийн таагүй байдлаас эхлээд хуурай нүдний синдром гэж нэрлэгддэг архаг асуудал хүртэл болж хувирдаг.&nbsp;Нүд хуурайших нь олон таагүй шинж тэмдгүүдийг үүсгэдэг бөгөөд энэ нь ажил болон амралт гээд таны&nbsp;чөлөөт цагийн бүтээмжид сөргөөр нөлөөлдөг .Нийт насанд хүрэгчдийн 50 хүртэлх хувь нь нүдний хуурайшилттай болсон байдаг.Нүд хуурайших хамгийн түгээмэл шалтгаан нь нулимсны тослогийг бууруулдаг meibomian булчирхайн үйл ажиллагааны алдагдал юм. Нүдний хуурайших хам шинжийн бусад шалтгаанууд нь блефарит, зовхины халдвар, харшлыг хянахад ашигладаг антигистамин зэрэг эмэнд үзүүлэх хариу урвал зэрэг багтдаг. Нүд хуурайших нь контакт линз, ягаан нүд, хуурай эрс тэс цаг агаарын нөхцөл, ядаргаа, дэлгэцийн хэт их хэрэглээ, мөн омега-3 тосны хүчлүүдийн тэжээлийн дутагдал зэргээс үүдэлтэй.Нүд хуурайших шинж тэмдгүүд:&nbsp;<ul><li>Хуурай, цочромтгой эсвэл улаан нүд&nbsp;</li><li>Үрэвсэл эсвэл&nbsp;загатнаа</li><li>Хэт их нулимс / нулимс гарах.</li><li>Мэдрэмтгий эсвэл өвдсөн нүд</li><li>Нүдний зовуур</li><li>Нүдэнд гадны биет элс, шороо хорсох, халуу оргих мэдрэмж&nbsp;</li></ul>&nbsp;Нүд хуурайших эрсдлийг нэмэгдүүлдэг хүчин зүйлүүд:&nbsp;<ul><li>Нулимсны чанар, тоо хэмжээ муу байх.</li><li>Хүйс -&nbsp;Жирэмслэлт, сарын тэмдэг болон жирэмслэлтээс хамгаалах эм зэргээс хамааран дааврын өөрчлөлтөөс болж эмэгтэйчүүдийн нүд хуурайших нь элбэг.</li><li>Нас - 50-аас дээш насныхны хувьд нүдний хуурайшилттай байдаг</li><li>Байгаль орчны хүчин зүйлс ба цочроох хүчин зүйлүүд - утаа, салхи, хуурай уур амьсгал</li><li>Эрүүл мэндийн байдал - Чихрийн шижин, ревматоид артрит, бамбай булчирхайн эмгэг зэрэг.</li><li>Эмний хэрэглээ - Халдваргүйжүүлэх, антигистамин, антидепрессант, даралт бууруулах эмүүд зэрэг&nbsp;</li><li>Амьдралын хэв маягийн хүчин зүйлүүд – Компьютер, гар утас, ТV зэрэг дэлгэцийн хэрэглээ их байх .</li><li>Контакт линз – Контакт линзийг өдөрт 8 цаг зүүх хэрэгтэй. Контакт линз нь нүдний нулимсан бүрхүүлийн чийглэг байдлыг бууруулж байдаг тул тогтмол хиймэл нулимс хэрэглэж нүдний чийгшлээ хадгалж байх хэрэгтэй.</li><li>Meibomian булчирхайн эмгэг (тохиромжгүй бүтээгдэхүүн/ шүүрэл)</li></ul>&nbsp;&nbsp;ХУУРАЙШИЛТТАЙ НҮДИЙГ БАЙГАЛИЙН АРГААР ХЭРХЭН ЭМЧЛЭХ ВЭ?Нүдний хуурайшилтын шинж тэмдгийг арилгахад туслах олон янзын байгалийн гаралтай эмүүд байдаг. Өдөр тутамдаа хэрэгжүүлж болохуйц зөвлөмжүүдийг та бүхэндээ танилцуулъя.<ol><li>Нүдээ хамгаалах&nbsp;:&nbsp;Хуурай, салхитай орчинд байхаас зайлсхийх, гадаа гарахдаа нар салхины хамгаалалттай нүдний шилийг тогтмол зүүх. Мөн гэр, ажлын өрөөнийхөө агаарыг чийгшүүлэх.</li><li>Омега 3 агуулсан эрүүл хоол хүнс хэрэглээрэй.&nbsp;Загас, маалингын үрэнд хамгийн ихээр агуулагддаг Омега-3 тосны хүчил нь нүдний хуурайшилтын шинж тэмдгийг бууруулдаг болох нь батлагдсан. Омега-3 нь нүдний үрэвслийг бууруулж, нулимсны хэмжээ болон чанарыг нэмэгдүүлэх боломжийг олгодог.Та Омега-3-ийг нэмэлт тэжээлээр эсвэл өөх тосны хүчил их хэмжээгээр агуулсан хоол хүнсээр дамжуулан нэмэгдүүлэх боломжтой.</li></ol>Омега-3 агуулсан хоолонд дараах зүйлс орно:<ul><li>Маалингийн үр</li><li>Далдуу модны тос</li><li>Шар буурцгийн тос</li><li>Чиа үр,</li><li>хушга</li><li>Салмон</li><li>загасны туна</li><li>загасны тосны нэмэлт тэжээл</li></ul><ol><li>&nbsp;А, В12, Д аминдэмийн төвшинг нэмэгдүүлнэ.&nbsp;Д аминдэмийн дутагдал нь нүд хуурайших шинж тэмдэг үүсгэдэг болох нь батлагдсан. А, В12 витаминууд нь таны нүдний эрүүл мэндэд зайлшгүй шаардлагатай. Эдгээр амин дэмүүд нь олон төрлийн хоолонд байдаг бөгөөд олон төрлийн жимс, ногоо, мах, сүүн бүтээгдэхүүн агуулсан эрүүл, тэнцвэртэй хоол хүнс хэрэглэхийг хичээгээрэй. Витамины нэмэлт нь витамины төвшинг нэмэгдүүлэх үр дүнтэй арга юм.&nbsp;</li><li>Цусан дахь сахарын хэмжээг хянах. Хэрэв та чихрийн шижин өвчтэй бол энэ нь ялангуяа танд чухал. Чихрийн шижин өвчний улмаас хүний ​​биеийн цусны эргэлт хязгаарлагдсанаас нүдний мэдрэл гэмтдэг. Мэдрэлийн гэмтэл нь нулимсны булчирхайд нөлөөлж, нулимс гоожиход хүргэдэг бөгөөд улмаар нүд хуурайшдаг. Цусан дахь сахарын төвшинг эмчийн зааврыг нарийн чанд мөрдөж, эрүүл, тэнцвэртэй хооллолтоор хянах нь цаг хугацааны явцад мэдрэлийн гэмтэл авах эрсдэлийг бууруулж, хуурайшилттай нүдний өвчний шинж тэмдгийг сайжруулдаг.</li><li>Нүдний дусаалга / Хиймэл нулимс. Ихэнх өвчтөнүүд хиймэл нулимс дусааж, нүдний дусаалга түрхэх, амьдралын хэв маягийг өөрчлөх зэргээр шинж тэмдгүүдээсээ ангижрах болно. Ихэнх тохиолдолд нүдний дусаалга нь ядарч туйлдсан эсвэл хуурай уур амьсгалд орсны үр дүнд үүсэх шинж тэмдгүүдийг хангалттай хэмжээгээр арилгаж өгдөг. Эдгээр дуслууд нь таны байгалийн нулимсыг хиймэл нулимсаар нөхөж, чийгшил, хамгаалалтыг нэмэгдүүлдэг. Хиймэл нулимсыг жоргүйгээр худалдаж авах боломжтой. Гэсэн хэдий ч олон янзын брэндүүдийг сонгох боломжтой бөгөөд нүдний эмчээс өөрийн хувийн хэрэгцээнд тулгуурлан зөвлөмж өгөхийг хүсээрэй.&nbsp;</li></ol>Хэрэв таны нүд маш хуурай бол тосон эсвэл гель нь илүү үр дүнтэй чийгшүүлж, тайвшруулах үйлчилгээтэй байдаг. Гэхдээ түрхлэг, гель түрхсэний дараа богино хугацаанд бүдэг хараа үүсгэж болзошгүй тул унтахаасаа өмнө л хэрэглэхийг зөвлөж байна.<ol><li>Шингэн хэвээр байлгаарай.&nbsp;Өдөржингөө хангалттай хэмжээний ус ууж (дор хаяж 8 аяга) нүд чинь хуурай нүдтэй тэмцэхэд хангалттай хэмжээний нулимс үүсгэдэг. Хэрэв та халуун, хуурай уур амьсгалд амьдардаг бол энэ нь ялангуяа чухал юм.</li><li>Архи, согтууруулах ундаа хэрэглэхээс зайлсхий. Согтууруулах ундаа уух нь шингэн алдалтыг үүсгэдэг бөгөөд нулимсны чанарт нөлөөлдөг. Үндэсний эрүүл мэндийн хүрээлэнгээс (NIH) хийсэн судалгаагаар архи уух нь нүдний хуурайшилт үүсгэдэг болохыг тогтоожээ. Согтууруулах ундааны хэрэглээг хязгаарлахыг хичээ, эсвэл үгүй ​​гэж бүрэн хэлж сураарай.</li><li>Тамхинаас гарах.Тамхины утаа нь таны нүдийг цочроож, нулимсны чанарт нөлөөлдөг 7000 гаруй химийн бодис агуулдаг. Утаа нь таны нүдийг хуурайших эрсдэлийг эрс нэмэгдүүлдэг.</li><li>Байнга завсарлага ав.&nbsp;Унших, зурагт үзэх, компьютер ашиглахдаа байнга завсарлага авах нь чухал юм. Олон хүмүүс эдгээр үйл ажиллагаанд оролцож байхдаа нүдээ анивчихаа мартдаг. Энэ нь нүдээ хуурайшихад хүргэдэг тул нулимс цийлгэнэх тусам илүү хурдан уурших болно. Мөрдөх ёстой сайн дүрэм бол 20-20-20 гэсэн дүрэм бөгөөд 20 минут тутамд 20 секундийн турш 20 футийн зайнаас харна.</li><li>Халуун жин тавих: Зовхио цэвэрлэж, зовхины булчирхайгаар дамжих тосны урсгалыг сайжруулахын тулд бүлээн шахалтаар тайвшир. Энэ нь таны нулимсны чанарыг сайжруулж, хуурайшилттай нүдийг зөөлрүүлэхэд тусална.</li><li>Зовхио угаах:&nbsp;Зовхины булчирхайгаар дамжих тосны урсгал, нулимсны чанарыг сайжруулахын тулд зовхио бүлээн ус, хүүхдийн шампуниар зөөлөн массажлаарай. Зовхины хамгаалалтгүй цэвэрлэгчийг мөн ашиглаж болно.Нүдээ цочроож болох будалт, тосыг арилгахын тулд дээд, доод зовхи, сормуусаа хоёуланг нь цэвэрлэхээ мартуузай.</li></ol>Хэрэв танд хуурайшилттай нүдний шинж тэмдэг илэрвэл байгалийн гаралтай эмчилгээ нь нүдний хуурайшилтын олон шинж тэмдгийг арилгаж өгдөг. Өвчний шинж тэмдэг илэрч, өвдөлт, таагүй байдал үүсгэж байвал нүдний эмчид үзлэг хийлгээрэй.Нүдний эмч нар нүдний хуурайшилтын шинж тэмдгийн үед хадгалах бодис агуулаагүй натрийн гиалуронат 0,1 % агууламж бүхий нэг удаагийн савлагаатай ариун чанарын&nbsp;матафреш&nbsp;хиймэл нулимсыг сонгон хэрэглэхийг зөвлөж байна.Эх сурвалж: <a href="https://www.optometrists.org/dry-eye/natural-remedies-for-dry-eyes/" rel="noopener noreferrer" target="_blank">https://www.optometrists.org/dry-eye/natural-remedies-for-dry-eyes/</a><a href="https://monfatrade.mn/%D0%BD%D2%AF%D0%B4-%D1%85%D1%83%D1%83%D1%80%D0%B0%D0%B9%D1%88%D0%B8%D1%85-%D3%A9%D0%B2%D1%87%D0%BB%D3%A9%D0%BB-%D0%B3%D1%8D%D0%B6-%D1%8E%D1%83-%D0%B2%D1%8D-%D1%8F%D0%B0%D0%B3%D0%B0%D0%B0%D0%B4-%D0%BD/" rel="noopener noreferrer" target="_blank">https://monfatrade.mn/%D0%BD%D2%AF%D0%B4-%D1%85%D1%83%D1%83%D1%80%D0%B0%D0%B9%D1%88%D0%B8%D1%85-%D3%A9%D0%B2%D1%87%D0%BB%D3%A9%D0%BB-%D0%B3%D1%8D%D0%B6-%D1%8E%D1%83-%D0%B2%D1%8D-%D1%8F%D0%B0%D0%B3%D0%B0%D0%B0%D0%B4-%D0%BD/</a>&nbsp;&nbsp;&nbsp;

ХУУРАЙШИЛТТАЙ НҮДЭНД ЗОРИУЛСАН БАЙГАЛИЙН ЭМЧИЛГЭЭ

Хорио цээрийн дэглэмтэй байгаа энэ үед бид сэтгэлзүйгээ тайван, хувийн сахилга баттай байж, дархлаагаа сайжруулах нь нэн чухал байгаа юм. Covid-19 болон бусад халдварт өвчний эсрэг хамгаалалт бол дархлааны тогтолцоог хүчтэй байлгах явдал юм. &nbsp;Коронавирусыг эмчлэх эсвэл урьдчилан сэргийлэх эм, дархлаа сайжруулах нэмэлт бэлдмэл байхгүй ч гэсэн хамгаалалтаа аль болох хүчтэй болгох арга хэмжээ авах хэрэгтэй.&nbsp; Мөн та вирусаас урьдчилан сэргийлэх үүднээс эдгээр урьдчилан сэргийлэх дараах арга хэмжээг хэрэгжүүлэхийг зөвлөж байна.<h3>ДАРХЛАА САЙЖРУУЛАХ ДАРААХ АРГУУДЫГ ТА ӨДӨР ТУТАМДАА ӨӨРТӨӨ ХЭВШҮҮЛЭЭРЭЙ.</h3><ul><li>Тогтмол дасгал хөдөлгөөн хийх – Мэргэжилтнүүд долоо хоногт дор хаяж 150 минут дасгал хийхийг зөвлөж байна. Тиймээс та өдөр тутамдаа 10-15 минутын дасгал хөдөлгөөн хийж байгаарай. Энэ таны дархлааг дэмжихэд тустай.</li><li>Жимс, ногооны агууламж өндөртэй, эрүүл, тэнцвэртэй хоол хүнс хэрэглэх – Хоол хүнсээрээ бид өдөр тутамд хэрэгтэй аминдэмээ хангалттай авч байж, бидний дархлааны хэвийн байхад туслах болно.</li><li>Жингээ барих – Өөрийн BMI-ийг 25 ба түүнээс доош байлгахыг зорь. Жин хасах хамгийн сайн арга бол дасгал хөдөлгөөн, эрүүл, тэнцвэртэй хооллолт юм.</li><li>Тогтмол унтаж амрах – Унтах цагийн хуваарь, дэглэмийг тогтоогоорой. Ингэснээр та хоногийн зөв нойроо авч, тогтмол унтах цагаа тооцоорой. Аль болох 6 аас дээш цаг унтаж, чанартай нойроо аваарай.</li><li>Стрессээ бууруулах, стрессээ даван туулах механизмыг хөгжүүлэх – Өдөр тутмын амьдралдаа стрессээ даван туулахад туслах, хайртай хүмүүстэйгээ холбогдох, бясалгал тогтмол хийх, дасгал хийх, уран бүтээл хийх эсвэл бусад хобби хийх зэрэг үйл ажиллагааг оруулаарай. Магадгүй яг эдгээр өдрүүдэд гэртээ шинэ хоол хийж сурах, хувцасны өрөөгөө цэгцлэх эсвэл шинэ онлайн курст хамрагдах зэрэг өөрийгөө тайван байлгах зүйлийг хийгээрэй.</li><li>Тамхинаас гарах – Хэрэв та тамхи татдаг бол тамхинаас гарахад ойр дотнын хүмүүсээсээ туслалцаа дэмжлэгтэйгээр энэ зуршлаасаа татгалзах гэж хичээгээрэй. Учир нь</li><li>Архи, согтууруулах ундаа бага хэрэглэх – Согтууруулах ундаа хүний биеийн дархлааг бууруулж байдаг тул гэрт байгаа согтууруулах ундааны хэмжээг хязгаарлах, мөн аль болох хэрэглэхгүй байх нь тустай.</li><li>Халдвараас урьдчилан сэргийлэх арга хэмжээ авах – Гараа тогтмол угаах, гэртээ 2 цаг тутамд агааржуулалт хийх, маскаа зүүх,&nbsp; гэрээс гарахгүй байх хувийн ариун цэврээ сахиж байх</li></ul><h3>ДАРХЛААГАА ДЭМЖИХЭД ТУСЛАХ НЭМЭЛТ ВИТАМИНУУД</h3>Мэрилендын Их Сургуулийн Анагаах Ухааны Сургуулийн Нэгдсэн Эмчилгээний Төвийн захирал, доктор Крис Д’Адамо Функциональ Анагаах Ухааны Хүрээлэнгээс урьдчилан сэргийлэх стратегийн гарын авлагад дурьдахдаа дээр дурдсан амьдралын хэв маяг, зан үйлийн хэв маягаас гадна дархлааг хамгийн сайн ажиллуулахын тулд дараахь нэмэлт тэжээлийг зохистой хэмжээгээр хэрэглэхийг зөвлөж байна.ҮҮНД:<ul><li>Витамин C – ханиад хүрэх хугацааг богиносгож, байгалийн антигистамин ба үрэвслийн эсрэг үйлчилгээ үзүүлснээр вирус, бактерийн болон бусад халдвараас урьдчилан сэргийлэхэд туслах болно.</li><li>Витамин D нь ханиад, томууны эрсдэлийг бууруулах дархлааг бэхжүүлдэг хамгийн чухал тэжээлийн нэг юм. Тиймээс та дархлааны тогтолцоогоо дэмжихийн тулд урьдчилан сэргийлэх тунгаар 2000-3000 витамин D тогтмол ууж байх хэрэгтэй.</li><li>Витамин A– богино хугацаанд хэрэглэх нь бие махбодийн халдвар, ялангуяа амьсгалын замын халдварын эсрэг тэмцэх чадварыг дэмжихэд тусалдаг.</li><li>Цайр – ханиад хүрснээс хойш 24 цагийн дотор уувал халдварын тоо, ханиад хүрэх хугацааг бууруулахад туслах болно. Цайраар баялаг самар хар шоколад вандуй гэх мэт хүнсийг түлхүү хэрэглэх энэ нь дархлааны эсүүдийн харилцан холбоог сайжруулна.</li><li>Селен – нь дархлааны үйл ажиллагааны гол тэжээл бөгөөд Бразил самар гэх мэт хоол хүнснээс амархан олж авдаг. Селен бол антиоксидант бөгөөд хүний нян, вирус, хорт хавдрын эсээс хамгаалах чадварыг бэхжүүлдэг.</li><li>Түүхий Зөгийн Бал – хамар, амны хөндийн адил бага зэргийн өвдөлт, салст бүрхэвчийн үрэвслийг арилгах үйлчилгээтэй бөгөөд антиоксидант шинж чанар, зарим микробийн нөлөөтэй, ханиалгах, хоолой өвдөхөд тустай бөгөөд цай эсвэл нимбэгтэй халуун усанд нэмж хийж болно. &nbsp;/1-ээс доош насны хүүхдүүдэд зөгийн бал өгч болохгүй гэдгийг анхаарна уу./</li><li>Сармис – нь амьсгалын дээд замын халдварын хүнд явцыг бууруулж, ханиадны вирусын халдвараас урьдчилан сэргийлэх үүрэгтэй.</li><li>Пробиотик гэдэсний эрүүл мэндийг дэмжиж, дархлааны тогтолцооны үйл ажиллагаа, зохицуулалтнд нөлөөлдөг “сайн бактери” агуулдаг. Эдгээр нь амьсгалын замын халдварын эрсдэлийг бууруулдаг, ялангуяа хүүхдүүдэд пробиотикийг нэмэлтээр өгч хэвших нь чухал болно.</li></ul>Бид бүхэн өөрт хэрэгцээт аминдэмээ хоол хүнсээрээ хангалттай авч мөн нэмэлтээр аминдэмүүдийг хэрэглэх нь чухал. Үүний сацуу хувийн ариун цэврээ сахин, улсын онцгой комисоос өгч буй үүрэг даалгаврыг цаг алдалгүй биелүүлж, чадвал энэхүү нөхцөл байдлыг даван туулахад илүү дөхөм болох юм.<h4>Хайртай хүмүүсээ хамгаалаад дархлаагаа дэмжье. Маскаа зүүе, гараа угаая. Иргэн хүний үүргээ хариуцлагатай биелүүлцгээе.</h4>Бидний хүргэсэн зөвлөгөө нийтлэлийг уншсан танд баярлалаа.Эх сурвалж: <a href="https://www.umms.org/coronavirus/what-to-know/managing-medical-conditions/healthy-habits/boost-immune-system">https://www.umms.org/coronavirus/what-to-know/managing-medical-conditions/healthy-habits/boost-immune-system</a>

ХОРИО ЦЭЭРИЙН ДЭГЛЭМИЙН ҮЕД ДАРХЛААГАА ХЭРХЭН ДЭМЖИХ ВЭ?

&nbsp;Нүд загатнах нь ихэвчлэн харшлын шинж тэмдэг, эсвэл харшлын гаралтай нүдний салстын үрэвсэл байдаг. Харшлын коньюнктивит нь хүүхдүүдийг бодвол насанд хүрэгчдэд илүү түгээмэл тохиолддог боловч, аль ч насныханд илэрч болно. Энэ нь цочмог эсвэл архаг хэлбэртэй байж болох ба хэр хүндээр туссанаас шалтгаалан зовхи хавагнах, нүд бүрэлзэх зэрэг нэмэлт шинж тэмдгүүд илэрдэг.Харшлын гаралтай коньюнкивит нь хоёр төрөлтэйҮүнд:<ol><li>Хавар, намрын улиралд тохиолддог улирлын чанартай харшлын коньюнктивит нь өвс, цэцгийн тоос, хогийн ургамал зэрэг харшлын урвалаас үүсдэг.</li><li>Олон жилийн харшлын коньюнктивит ба энэ нь хөгц, тоос шороо, гэрийн тэжээвэр амьтдын ноос зэрэг гэрийн аллергиний байнгийн нөлөөллөөс болж тохиолддог.</li></ol>Нүд загатнах нь нүдний хуурайшилт болон блефарит буюу зовхины ирмэг орчмын үрэвсэлд өвчлөл зэрэг өвчний улмаас үүсдэг. Хэрэв танд нүд загатнах шинж тэмдэг илэрсэн ч харшлын шинж тэмдэггүй бол нүдний эмчид хандаарай.Нүд загатнах нь өөр ямар зовуурууд үүсгэдэг вэ?Харшлын урвалын үед илрэх нэмэлт шинж тэмдгүүд:<ul><li>Нулимс гоожих</li><li>Нүдний судасны улаалт</li><li>Зовхи хавдах</li><li>Харахад хэцүү болох эсвэл нүдний хараа бүрэлзэх</li><li>Нүдээ нээх чадваргүй болтол хавдах</li><li>Амьсгалын замын бөглөрөл үүсэх</li><li>Найтаах, нус гоожих</li></ul>Таны нүд юунаас болоод загатнаад байна вэ?<figure class="image"><img src="http://monfatrade.mn/wp-content/uploads/2020/10/2-1-608x400.jpg" alt="" srcset="https://monfatrade.mn/wp-content/uploads/2020/10/2-1-608x400.jpg 608w, https://monfatrade.mn/wp-content/uploads/2020/10/2-1-600x395.jpg 600w, https://monfatrade.mn/wp-content/uploads/2020/10/2-1.jpg 678w" sizes="100vw" width="608"></figure>Таны нүдний гадаргуу аллергентай харьцах үед харшлын урвал үүсдэг. Урвал нь гистаминыг ялгаруулж, загатнах, улаалт, нулимс гарах шинж тэмдгүүдийг үүсгэдэг. Ийм тохиолдолд загатнасан нүдээ үрэх нь маш буруу юм. &nbsp;Нүдээ нухах үед та улам их гистамин ялгаруулж, шинж тэмдгүүдийг хүндрүүлдэг төдийгүй нүдний гадаргууг гэмтээж магадгүй юм.Нүд загатнах нь нүдний янз бүрийн эмгэгээс үүдэлтэй байж болно. Хуурайшилттй нүд нь тааламжгүй байдал, цочрол үүсгэдэг. Бактерийн болон арьсны эмгэгээс үүдэлтэй нүдний халдварт бус өвчин болох блефарит нь нүд загатнах шалтгаан болдог.Нүд загатнах зовуурыг &nbsp;хэрхэн зөв оношлох вэ?Блефарит өвчний үед зовхи нь хуурайшиж, хайрст, загатнах шинжтэй болдог. Мөн сормуус унадаг. Заримдаа сормуус нь буцаж ургахдаа буруу хэлбэртэй ургадаг бөгөөд үүнийг трихиаз гэж нэрлэдэг. Энэ нь нүд цочроох магадлалтай. Зарим хүмүүс контакт линзний уусмалаас харшилтай байдаг тул улаалт, таагүй байдал, загатнах, үрэвслийг үүсгэдэг. Ихэнх контакт линзний уусмалд агуулагддаг хамгаалалтын бодис болох Thimerosal нь харшил үүсгэх гол буруутан нь байдаг.Хэрэв та аль хэдийн харшилтай гэж оношлогдсон бол таны нүд загатнах шалтгаан нь харшил гэж хэлж болох юм. Бусад өвчний нэгэн адил харшил нь нас ахих тусам үүсдэг. Хэрэв та урьд өмнө хэзээ ч харшилтай байгаагүй боловч зарим үнэр, хоол хүнс эсвэл жилийн зарим үед өвчний шинж тэмдэг илэрч байгааг анзаарсан бол эмчид хандах хэрэгтэй.Ерөнхийдөө та нүдний талаар нүдний эмчтэй уулзах боловч зарим тохиолдолд арьсны эсвэл харшлын эмчид хандах хэрэгтэй. Эдгээр мэргэжилтнүүдийн аль нь ч таны нүд загатнах шалтгааныг тодорхойлоход тусална. Та яг юунаас үүдэлтэй харшлаад байгаагаа мэдэхийн тулд дараах шинжилгээнүүд хэрэг болно.<ul><li>Харшлын арьсны сорил</li><li>Харшлын цусны шинжилгээ</li><li>Хүнсний харшлын сорил</li><li>Биеийн үзлэг</li></ul>Нүдний эмч нь харшлын коньюнктивит өвчнөөр өвчилсөн эсэхийг шалгана. Таны эмч шинж тэмдгүүд, өвчний түүх, хоолны дэглэм, амьдралын хэв маягийн талаар асуулт асуух болно.Нүд загатнахаас урьдчилан сэргийлэх зөвлөмжХаршлын улмаас нүд загатнахаас урьдчилан сэргийлэх нь маш энгийн. Та харшил үүсгэгчээс зайлсхийх хэрэгтэй. Хэрэв харшил үүсгэгчээс зайлсхийх боломжгүй бол нүдний дусаалга, амны хөндийн антигистамин, ариутгагч бодис зэрэг урьдчилан сэргийлэх аргуудын талаар эмчтэйгээ зөвлөлдөх нь зүйтэй.Нүдний загатнах шинж тэмдэг илэрдэг блефарит зэрэг нүдний эмгэгийг ажиглахын тулд нүдний эмчид тогтмол очиж үзүүлээрэй. Химийн бодисын эргэн тойронд ажиллахдаа хамгаалалтын нүдний шил зүү. Хэрэв та контакт линз эсвэл линзний уусмалаас харшилтай байж магадгүй гэж бодож байгаа бол асуудлын талаар нүдний эмчтэйгээ ярилцаарай. Мөн дотор болон гадаа нүд загатнахаас урьдчилан сэргийлэх эдгээр зөвлөмжийг үзээрэй.Дотор орчинд анхаарах зүйлс:<ul><li>Тоос шороо, гэрийн тэжээвэр амьтдын ноосыг багасгахын тулд байнга тоосоо соруулж байгаарай.</li><li>Гаднах харшил үүсгэгчдийг багасгахын тулд цонхоо хаалттай байлга.</li><li>Гэрийн тэжээвэр амьтдыг унтлагын өрөө эсвэл их хугацаа өнгөрүүлдэг өрөөнөөс (том өрөө, г.м) хол байлга.</li><li>Гэр доторх харшил үүсгэгчийг багасгахын тулд агааржуулагчаа ажиллуулаад агаар шүүгч, агаарын сувгаа цэвэр байлгаарай.</li><li>Агааржуулалт багатай эсвэл огт агааргүй өрөөнд тамхи татахаас зайлсхий.</li></ul>Гадаад орчинд анхаарах зүйлс:<ul><li>Тоосонцрын тоог шалгаж байгаарай. Тоосонцрын тоо нь өглөөний 05.00-10.00 цагийн хооронд хамгийн өндөр байдаг.</li><li>Хувцсаа гадаа биш, хатаагчаар хатаана уу. Учир нь гадна орчны харшил үүсгэгч нь таны хувцасны даавуунд наалддаг.</li><li>Хөдөө аяллаар явах, зуслангийнхаа зэрлэгийг зулгаах, ургац хураалтад явах бол өмнө урьдчилан сэргийлэх арга хэмжээ аваарай. Нүүрний маск, бээлий өмсөөрэй.</li><li>Үс, арьсанд наалдсан харшил үүсгэгч бодисыг угаахын тулд гадна орчноос орж ирээд шүршүүрт ороорой.</li></ul>Урьдчилан сэргийлэх арга хэмжээ авахаас гадна, ямар бүтээгдэхүүн нь танд хамгийн сайн тохирч болох талаар нүдний эмчээс зөвлөгөө аваарай.Нүд загатнах шинж тэмдэг хэр удаан үргэлжилэх вэ?Харшлын гаралтай нүдний салстын үрэвслээс үүдэлтэй нүд загатнах шинж тэмдгийг харшил үүсгэгчийг арилгах замаар арилгаж болох боловч харшлын урвал дахин давтагдах магадлалтай. Зовхи хавдсан тохиолдолд хорин дөрвөн цагийн дотор хавдар ихээр буурч, дөчин найман цагийн дараа хавагнах шинж тэмдэг илрэхгүй байдаг.Тиймээс та нүдний эмчид хандан зөвлөгөө авааарай. Цаг хэмнэх үүднээс мөн яг өөртөө хэрэгцээт мэдээлэл авахад туслах асуултуудыг танд хүргэе.<ul><li>Миний харшлын шалтгаан юу вэ?</li><li>Яг ямар харшилтай гэдгээ мэдэхийн тулд харшлын сорьцийн шинжилгээг аль лабораторид өгвөл хариу нь илүү найдвартай гарах вэ?</li><li>Нүд загатнах юм бол гэрийн нөхцөлд ямар арга хэмжээ авах вэ?</li><li>Нүд загатнах үед жоргүй олгодог ямар бүтээгдэхүүн санал болгох вэ?</li><li>Миний нүдэнд илэрсэн нүд загатнах нь нүдний эмгэг байна уу? гэх мэтчилэн асуултыг асууж, зөвлөгөө авсан таны энэ зовуурыг хурдан хугацаанд эмчийн зөвлөмжийн дагуу бууруулахад тустай.</li></ul><figure class="image"><img src="http://monfatrade.mn/wp-content/uploads/2020/10/3-400x400.png" alt="" srcset="https://monfatrade.mn/wp-content/uploads/2020/10/3-400x400.png 400w, https://monfatrade.mn/wp-content/uploads/2020/10/3-800x800.png 800w, https://monfatrade.mn/wp-content/uploads/2020/10/3-280x280.png 280w, https://monfatrade.mn/wp-content/uploads/2020/10/3-768x768.png 768w, https://monfatrade.mn/wp-content/uploads/2020/10/3-300x300.png 300w, https://monfatrade.mn/wp-content/uploads/2020/10/3-600x600.png 600w, https://monfatrade.mn/wp-content/uploads/2020/10/3-100x100.png 100w, https://monfatrade.mn/wp-content/uploads/2020/10/3.png 1432w" sizes="100vw" width="400"></figure>Монгол улсын эмийн бүртгэлд албан ёсоор нөөшлөгч бодис агуулаагүй хиймэл нулимс гэж бүртгэгдсэн антикоксидант чанартай, эвэрлэгийг нөхөн төлжүүлэх үйлдэлтэй, нэг удаагийн савлагаатай, матафреш хиймэл нулимсыг санал болгож байна. Нүд аргах, улайх, торох, нулимс гоожих зэрэг нүдний хуурайшилтын шинж тэмдгийн үед хиймэл нулимс хэрэглээд ч төдийлөн үр дүнд хүрэхгүй байвал нүдний эмчид хандаж үзүүлэхийг зөвлөж байна.Бидний бэлдсэн нийтлэлийг уншсан танд баярлалаа.Эх сурвалж: <a href="https://www.eyehealthweb.com/itchy-eyes/">https://www.eyehealthweb.com/itchy-eyes/</a><a href="https://www.allaboutvision.com/conditions/itchy-eyes.htm">https://www.allaboutvision.com/conditions/itchy-eyes.htm</a>

НҮД ЗАГАТНАХ ШАЛТГААНУУД, ХЭРХЭН АРГА ХЭМЖЭЭ АВАХ ВЭ?

<h2>&nbsp;</h2><figure class="image"><img src="https://monfatrade.mn/wp-content/uploads/2020/09/2-1-1126x800.png" alt="" srcset="https://monfatrade.mn/wp-content/uploads/2020/09/2-1-1126x800.png 1126w, https://monfatrade.mn/wp-content/uploads/2020/09/2-1-563x400.png 563w, https://monfatrade.mn/wp-content/uploads/2020/09/2-1-768x546.png 768w, https://monfatrade.mn/wp-content/uploads/2020/09/2-1-600x426.png 600w, https://monfatrade.mn/wp-content/uploads/2020/09/2-1.png 1431w" sizes="100vw" width="1020"></figure>Хумсаа мэрэх &nbsp;буюу онихофаги гэдэг нь нэг төрлийн донтох хэлбэрийн амны зуршил юм. Зарим тохиолдолд үүнийг үйлээс гадуурх хөдөлгөөн гэж тодорхойлдог. Энэ нь ярих, идэх болон уух зэрэг үйлдлээс илүү давтамжтай илрэх амны хөдөлгөөн юм.&nbsp;&nbsp;Хумсаа хазах буюу мэрэх нь нийтлэг тохиолддог бөгөөд ялангуяа бага насны хүүхдүүдийн дунд 25-30% -д тохиолддог. Үүнийг олон улсад бага насны хүүхэд болон өсвөр насны хүүхдүүдийн зан авир, сэтгэл хөдлөлийн өвөрмөц эмгэг гэж үзэх нь бий. Хэдийгээр хумсаа мэрэх нь бүгд эмгэг биш ч гэсэн үүнийг хэвийн эсвэл эмгэг гэдгийг ялгахад тийм ч амар байдаггүй.Хамгийн анх Франц улсад 16-р зуунд&nbsp; хумсаа мэрэх нь уур уцаараас шалтгаалсан мэдрэлийн зуршил гэж тодорхойлсон байдаг.Ихэвчлэн 3 нас хүртэл ховор боловч &nbsp;7-10 насны хүүхдүүдийн 30 орчим хувь, өсвөр насны хүүхдүүдэд 45 хувьтай тохиолддог байна.Хүүхдийн хумсаа мэрэх зуршлыг яагаад зогсоох хэрэгтэй вэ?<ul><li>Хумсаа мэрэх нь хуруунд гэмтэл учруулж үрэвсэл үүсэх шалтгаан болдог. Ихэвчлэн гарын 10 хуруу ижил хэмжээтэйгээр хазагдсан байдаг ба энэ нь цаашлаад арьсны мах буюу хумсны уг хэсгийг бүрхэх арьсны өнгөн давхаргыг гэмтээж эхэлдэг. Арьсны энэ хэсгийг зөв аваагүйгээс шалтгаалж нян, вирусийн халдвар авч, ганц хуруудах (паронихия) эрсдэлийг нэмэгдүүлдэг.</li><li>Хүүхдийн шүдний ургалтад сөргөөр нөлөөлөх – Бага насны хүүхэд хумсаа мэрэх зуршил нь хүүхдийн шүдэнд завсар гаргах, хагарах цуурах магадлалтай. Цаашид энэ байдал удаан үргэлжилбэл хүүхдийн шүд буруу ургаж, эрүүний асуудал үүсгэх гол шалтгаан нь болдог.</li><li>Өвчлөл үүсгэх магадлалыг нэмэгдүүлэх – Гар бол бүхий л нян байрладаг бүс бөгөөд хумс нь тэдгээрийг хадгалах хамгийн тааламжит хэсэг. Хумсаа мэрэх нь бага насны хүүхдэд хялгасан хорхой болон амны хөндийд нян дамжих эрсдэлийг нэмэгдүүлдэг. Хэрэв хумсаа хазаж залгисан нөхцөлд цаашлаад хоол боловсруулах замын эмгэгт хүргэж болох юм.</li></ul>Бие махбодид чиглэсэн дахин давтагдах зан үйлийн дотор арьс шархлах эмгэг (арьс цоолох), дерматофаги (арьс хазах), трихотиломани (үсээ хусах хүсэл эрмэлзэл) багтдаг бөгөөд эдгээр нь бүгд хумсаа мэрэхтэй зэрэгцэн орших хандлагатай байдаг. Амны хөндийн парафункциональ үйл ажиллагааны хувьд энэ нь брүксизм (шүдээ хавирах, нүдэх) болон үзэг зажлах, хацар хазах зэрэг бусад зуршилтай холбоотой байдаг. Хүүхдүүдийн хувьд хумсаа хазах нь ихэвчлэн анхаарал дутагдах хэт хөдөлгөөнтөх эмгэг (хумсны хазах тохиолдлын 75%-д) болон, үүнд эсэргүүцэн үгүйсгэх эмгэг (36%), тусгаарлагдан сэтгэл хямрах эмгэг (21%) зэрэг бусад сэтгэцийн эмгэгүүд тохиолддог.Ихэнх эцэг эхчүүд хүүхдийнхээ энэхүү байдалд онцгой анхаарч, хэрхэн энэ зуршлыг болиулах вэ? яах тухай судалдаг. Тэгвэл таны хүүхэд хумсаа мэрээд байгаа бол урьдчилсан арга хэмжээ авах талаар зөвлөмж хүргэе.Мэдээж нэг өдрийн дотор шууд зүгээр болохгүй бөгөөд бага зэрэг цаг хугацаа, хүчин чармайлт гаргаснаар та хүүхдийнхээ хумсаа хатгадаг зуршлаа арилгаж чадна.<ul><li>Хүүхдийн хумсыг богиносгож авах – Шүдээрээ хумсаа мэрэхийг оролдох үед мэрэх хумс байхгүй учраас хангалттай сэтгэл ханамж авахгүй тул энэ мэдрэмжийг авахаас татгалзах болно.</li><li>Эвгүй амттай зүйлээр хумсанд түрхэх – Хамгийн түгээмэл эмчилгээ бол тунгалаг, гашуун амттай хумсны будгийг хумсанд түрхэх явдал юм. Ихэнх тохиолдолд денатониум бензоатыг ашигладаг бөгөөд энэ нь хамгийн гашуун химийн нэгдэл юм. Гашуун амт нь хумсаа мэрэх зуршлыг бууруулдаг.</li><li>Бээлий өмсгөх – Танд сонин сонсогдож магадгүй гэхдээ ингэснээр хүүхдэд гарын хумс харагдахгүй тул хумсаа мэрж чадахгүй гэсэн үг. Магадгүй бээлийн өмсөх нь таны хүүхдэд суралцахад сөргөөр нөлөөлж байвал та хумсаа хамгаалах өөр зүйл олоорой.</li><li>Зан авирын эмчилгээ – Та дээрх энгийн аргуудыг хэрэглээд үр дүнгүй болоход ач холбогдолтой байдаг. Хумс хаздаг зуршлыг арилгах, түүнийг илүү бүтээлч зуршлаар солихыг эрмэлздэг дадлыг буцаах сургалт нь хүүхэд, насанд хүрэгчдэд энгийн арга хэрэглэхээс илүү үр дүнтэй болохыг харуулсан. Дадлыг буцаах сургалтаас гадна цочролыг хянах эмчилгээ буюу хазах хүслийг байнга өдөөж буй өдөөлтийг тодорхойлж, түүнийг арилгахад ашигладаг. Эерэг үр дүнгээр шалгагдсан зан авирын бусад аргууд нь салгах, бугуйвчийг арилгаж болохгүй сануулагч болгон ашиглах гэх мэт өөртөө туслах аргууд юм. Хумсны архаг мэрэхийг эмчлэх өөр нэг арга бол шүдний саатуулагч төхөөрөмжийг ашиглах явдал бөгөөд энэ нь урд шүд хумс болон түүний эргэн тойрон дахь арьсыг гэмтээхээс хамгаалдаг. Хоёр сар орчмын дараа төхөөрөмж нь хумсаа хазах хүслийг бүрэн дарахад тусалдаг.</li></ul>Эдгээр арга хэмжээнүүдийг авахаас гадна хүүхдийн тархины холбогч эдүүдийн үйл ажиллагааг дэмжих, амин дэмүүдийг өгч, хүүхэдтэйгээ ярилцаж хэвшээрэй. Мөн та хүүхдийн эмчид хандан зөвлөгөө авах нь илүү чухал.<figure class="image"><img src="http://monfatrade.mn/wp-content/uploads/2020/09/1-400x400.jpg" alt="" srcset="https://monfatrade.mn/wp-content/uploads/2020/09/1-400x400.jpg 400w, https://monfatrade.mn/wp-content/uploads/2020/09/1-800x800.jpg 800w, https://monfatrade.mn/wp-content/uploads/2020/09/1-280x280.jpg 280w, https://monfatrade.mn/wp-content/uploads/2020/09/1-768x768.jpg 768w, https://monfatrade.mn/wp-content/uploads/2020/09/1-300x300.jpg 300w, https://monfatrade.mn/wp-content/uploads/2020/09/1-600x600.jpg 600w, https://monfatrade.mn/wp-content/uploads/2020/09/1-100x100.jpg 100w, https://monfatrade.mn/wp-content/uploads/2020/09/1.jpg 1432w" sizes="100vw" width="400"></figure>Хүүхдийн тархины хөгжил болон өсөлтийг дэмжих омега 3, Лизин, Глютамины хүчил, В-гийн төрлийн витаминууд агуулсан бага насны хүүхдийн тархины хүчилтөрөгчийн дутмагшил, тархины эмгэгшил, мэдрэлийн ядаргаа болон толгой өвдөх зэрэгт илүү сайн нөлөөтэй Цереброфорт иж бүрдэл аминдэмийг санал болгож байна.Та өөрт ойрхон Монфа, Хүрмэн, Маго, Монфарм, Азифарм, Зууннаст эмийн сангуудаас жоргүй авах боломжтой.Бидний зөвлөгөө нийтлэлийг уншсан танд баярлалаа.

ХУМСАА МЭРЭХ НЬ ЮУНААС БОЛДОГ ВЭ? ХЭРХЭН ЗОГСООХ ВЭ?

Төмрийн дутагдлаас үүдэлтэй цус багадалт нь хамгийн нийтлэг цус багадалт – энэ нь цусан дахь эрүүл улаан эсийн тоо багасах эмгэг юм. Цусны улаан эс нь хүчилтөрөгчийг биеийн эд эсэд хүргэдэг.Нэрнээс нь үзэхэд, төмрийн дутагдлын цус багадалт нь төмөр хангалтгүйгээс шууд хамаардаг. Таны биед агуулагдах төмрийн хэмжээ хангалтгүйгээс улаан эс хүчилтөрөгч (гемоглобин) зөөх бодисыг хангалттай хэмжээгээр ялгаруулж чадахгүйд хүрдэг байна. Үүний үр дүнд төмрийн дутагдлын цус багадалт нь таныг ядарч сульдаж, амьсгаадахад хүргэдэг.Та ихэвчлэн төмрийн дутагдлын цус багадалтыг төмрийн бэлдмэл хэрэглэснээр сэргийлж болдог байна. Заримдаа төмрийн дутагдлын цус&nbsp;багадалтад&nbsp;нэмэлт шинжилгээ, эмчилгээ шаардлагатай байдаг, ялангуяа эмч таныг дотогшоо цус алдаж байна гэж сэжиглэсэн тохиолдолд.Шинж тэмдгүүдТөмрийн дутагдлын эхэн үеийн шинж тэмдгүүд нь бараг мэдэгдэхгүй шахуу байдаг тул анзаарагдахгүй өнгөрдөг. Гэхдээ бие нь төмрийн дутагдалд орж, цус багадалт даамжрах тусам шинж тэмдэг&nbsp;хурцддаг&nbsp;байна.Төмрийн дутагдлын цус багадалтын шинж тэмдгүүд нь:<ul><li>Ядрах</li><li>Сульдах</li><li>Арьс цонхийх</li><li>Цээжээр өвдөх, зүрхний цохилт хурдсах эсвэл амьсгал давчдах</li><li>Толгой өвдөх,&nbsp;толгой дүйрэх&nbsp;эсвэл эргэх</li><li>Гар хөл хүйтэн байх</li><li>Хэл өвдөх эсвэл үрэвсэх</li><li>Хумс хэврэгших</li><li>Тэжээллэг бус мөс цардуул зэргийг хүсэх</li><li>Цус багадалттай хүүхдүүдийн хоолны дуршил муудах</li></ul>Хэзээ эмчид хандах вэ?Хэрэв та эсвэл таны хүүхдэд төмрийн дутагдлын цус багадалтын шинж тэмдэг илэрвэл эмчид хандах хэрэгтэй. Төмрийн дутагдлын цус багадалт нь өөрөө оношлох, эмчлэх зүйл биш юм. Тиймээс төмрийн эмчийн зааврын дагуу ууж хэрэглээрэй. Бие&nbsp;махбодод&nbsp;төмрийн илүүдэл үүсэх нь тун аюултай юм, энэ нь элгэнд хуримтлагдаж гэмтээхээс гадна өөр бусад хүндрэлүүдийг үүсгэдэг.ШалтгаанТаны биед гемоглобин боловсруулахад хангалттай хэмжээний төмөр байхгүй үед төмрийн дутагдлын цус багадалт үүсдэг. Гемоглобин бол цусанд улаан өнгийг бүрэлдүүлэгч нэг хэсэг бөгөөд хүчилтөрөгчийг биеийн бүх хэсэгт цусаар дамжуулах&nbsp;боломжийг&nbsp;олгодог.Хэрэв та хангалттай хэмжээний төмөр хэрэглэхгүй, эсвэл хэт их хэмжээний төмрийг&nbsp;биеэс алдаж байгаа бол таны бие хангалттай гемоглобин боловсруулж чадахгүй бөгөөд эцэст нь төмрийн дутагдлын цус багадалт үүсэх болно.Төмрийн дутагдлын цус багадалтын шалтгаанууд нь:<ul><li>Цус алдагдал.&nbsp;Цус нь төмрийг улаан эс дотроо агуулдаг. Тэгэхээр та цус алдвал төмрөө мөн адил алдана гэсэн үг юм. Сарын тэмдэг хүнд ирдэг эмэгтэйчүүдийн хувьд цус багадалт үүсэх эрсдэлтэй байдаг. Биеийн доторх удаан, архаг цус алдалт, тухайлбал,&nbsp;пепсинышарх, завсрын ивэрхий, бүдүүн гэдэсний&nbsp;полип, бүдүүн гэдэсний хорт хавдар зэрэг нь төмрийн дутагдлын цус багадалт үүсгэдэг. Ходоод гэдэсний цус алдалт нь эмчийн зөвлөгөөгүйгээр зарим эмийг, ялангуяа аспириныг тогтмол хэрэглэснээс үүдэлтэй байдаг.</li><li>Хоол хүнснээс хамааралтай төрийн дутагдал. Таны бие идэж буй хоол хүнснээсээ төмрийг тогтмол авж байдаг. Хэрэв таны идэж хэрэглэж буй хоол хүнс төмрийн агууламж багатай бол таны бие цаг хугацааны явцад төмрийн дутагдалд орж болзошгүй юм.&nbsp;Төмөрөөрбаялаг хүнсний бүтээгдэхүүнүүд нь мах, өндөг, навчит ногоо, төмрөөр баяжуулсан хүнсний бүтээгдэхүүний нэмэлтүүд зэрэг орно.&nbsp;Нярай болон бага насны хүүхдийн биеийн хөгжил тогтвортой явагдахын тул хоол хүнснээс авах төмөр нэн чухал үүрэгтэй байдаг.</li><li>Төмрийг шингээх чадваргүй болох.&nbsp;Хоол хүнснээс боловсруулагдсан төмөр нь нарийн гэдэснээс биед шимэгддэг. Гэдэсний өвчин болох целиак өвчин нь таны гэдсэнд шингэсэн хоол хүнснээс шим тэжээлийг шингээхэд нөлөөлдөг тул төмрийн дутагдлын цус багадалтад хүргэдэг. Хэрэв нарийн&nbsp;гэдсийг&nbsp;мэс заслын аргаар авсан бол энэ нь таны төмөр болон бусад шим тэжээлийг шингээх чадварт нөлөөлж болзошгүй юм.</li><li>Жирэмсэн үе.&nbsp;Төмрийн агууламж нь цусны хэмжээг ихэсгэхээс гадна өсөн нэмэгдэж буй ургийн гемоглобины эх үүсвэр болдог тул төмрийн бэлдмэл нэмэлтээр хэрэглээгүй үед жирэмсэн эхчүүд төмрийн дутагдлын цус&nbsp;багадалтад&nbsp;өртдөг.</li></ul>Эрсдэлт&nbsp;хүчин зүйлсЭдгээр бүлгийн&nbsp;хүмүүст&nbsp;төмрийн дутагдлын цус багадалтын эрсдэлтэй байдаг.<ul><li>Эмэгтэйчүүд.Эмэгтэйчүүд сарын тэмдгийн үеэр цус алддаг,&nbsp;тиймээс эмэгтэйчүүдийн хувьд төмрийн дутагдлаас үүдэлтэй цус&nbsp;багадалтад&nbsp;өртөх өндөр эрсдэлтэй байдаг.</li><li>Нярай болон бага насны хүүхдүүд. Нярай хүүхэд, ялангуяа жин багатай эсвэл дутуу төрсөн, эхийн сүү, сүүн тэжээлээс хангалттай хэмжээний төмөр авч чаддаггүй хүүхдүүд төмрийн дутагдалд орох эрсдэлтэй байдаг. Бага насны хүүхдүүдийн хувьд өсөлтийн үеэр нэмэлт төмөр хэрэглэх шаардлагатай байдаг. Хэрэв таны хүүхэд эрүүл, олон төрлийн хоол хүнс хэрэглэдэггүй бол цус багадалт үүсэх эрсдэлд ордог байна.</li><li>Цагаан хоолтон. Мах хэрэглэдэггүй хүмүүс бусад төмрөөр баялаг хоол хүнс хэрэглэхгүй бол төмрийн дутагдлын цус&nbsp;багадалтад&nbsp;орох эрсдэлтэй байдаг.</li><li>Байнга цусаа өгдөг донорууд. Цусаа хандивлах нь биед агуулагдах төмрийн хэмжээг шавхдаг тул тогтмол цусаа өгдөг хүмүүст төмрийн дутагдлын цус багадалт үүсэх эрсдэл нэмэгддэг. Цусны донортой холбоотой гемоглобины хэмжээ бага байх нь төмрөөр баялаг хоол хүнс идсэнээр нөхөгддөг тул түр зуурын асуудал юм. Хэрэв эмч тань таны гемоглобин бага байгаа тул цусаа хандивлах боломжгүй гэж хэлсэн бол энэ талаар сайтар дэлгэрүүлж асууж байна уу.</li></ul>ХүндрэлүүдТөмрийн дутагдлын хөнгөн цус багадалт нь ихэвчлэн хүндрэл үүсгэдэггүй. Гэсэн хэдий ч төмрийн дутагдлын цус багадалтыг эмчлэхгүй бол хүндэрч, эрүүл мэндэд асуудал үүсгэж болзошгүй бөгөөд үүнд&nbsp;дараахь&nbsp;зүйлс орно:<ul><li>Зүрхний асуудал.Төмрийн дутагдлын цус багадалт нь зүрхний цохилтыг түргэсгэж эсвэл хэм алдагдахад хүргэж болзошгүй юм. Цус багадалттай үед цусан дахь хүчилтөрөгчийн дутагдлыг нөхөхийн тулд таны зүрх илүү их цус шахах ёстой болдог. Энэ нь зүрх томрох эсвэл зүрхний дутагдалд хүргэж болзошгүй юм.</li><li>Жирэмсний үеийн асуудал.&nbsp;Жирэмсэн эмэгтэйчүүдэд төмрийн дутагдлын хүнд хэлбэрийн цус багадалт нь дутуу төрөлт, бага жинтэй хүүхэд төрөхтэй холбоотой байдаг. Гэхдээ жирэмсний&nbsp;хяналтандаатөмрийн бэлдмэл эмчийн заавар зөвлөгөөний дагуу хэрэглэснээр энэхүү нөхцөл байдлаас урьдчилан сэргийлэх боломжтой байдаг.</li><li>Өсөлт хөгжлийн асуудал.&nbsp;Нярай болон бага насны хүүхдүүд төмрийн дутагдалд орсноор цус багадалт үүсэхээс гадна өсөлт хөгжилт удааширдаг. Нэмж дурдахад төмрийн дутагдлын цус багадалт нь халдвар авах магадлалыг нэмэгдүүлдэг байна.</li></ul>Урьдчилан сэргийлэхТа&nbsp;дараахи&nbsp;төмрөөр баялаг хүнсний бүтээгдэхүүнүүдийг хоолондоо хэрэглэснээр төмрийн дутагдлаас үүдэлтэй цус багадалтын эрсдэлийг бууруулах боломжтойТөмрөөр баялаг хүнс нь:<ul><li>Улаан мах, гахайн мах, шувууны мах</li><li>Далайн гаралтай бүтээгдэхүүн</li><li>Шош</li><li>Хар ногоон өнгө бүхий цэцэг ногоо&nbsp;(бууцайгэх мэт)</li><li>Хатаасан жимс&nbsp;(үзэм,&nbsp;чангаанзгэх мэт)</li><li>Төмрөөр баяжуулсан хоол хүнс&nbsp;(гурил, талх, гоймон, өглөөний хоол)</li><li>Вандуй</li></ul>Таны бие махнаас төмрийг бусад эх үүсвэрээс авдгаас илүү хэмжээгээр шингээдэг. Хэрэв та мах идэхгүй байхаар шийдсэн бол төмрөөр баялаг, ургамлын гаралтай хүнсний бүтээгдэхүүний хэмжээг ихэсгэж, мах иддэг хүнтэй ижил хэмжээний төмрийг шингээж авах шаардлагатай болно.Төмрийн шимэгдэлтийг нэмэгдүүлэхийн тулд С аминдэмээр баялаг хоол хүнсийг сонгооройТа&nbsp;цитрусын&nbsp;шүүс уух эсвэл С аминдэмээр баялаг бусад хоолыг төмрийн агууламж өндөртэй хоол хүнстэй нэгэн зэрэг хэрэглэснээр биеийнхээ төмрийн шингээлтийг сайжруулж болдог. С аминдэм агуулдаг&nbsp;цитрусын&nbsp;төрлийн жимс болох жүржийн&nbsp;жүүс&nbsp;нь хүнсний бүтээгдэхүүнээс төмрийн шимэгдэлтийг нэмэгдүүлэхэд тусалдаг байна.С аминдэм нь&nbsp;дараах&nbsp;бүтээгдэхүүнд байна:<ul><li>Брокколи</li><li>Бэрсүүтжүрж</li><li>Киви</li><li>Навчит ногоо</li><li>Амтат гуй</li><li>Жүрж</li><li>Чинжүү</li><li>Гүзээлзгэнэ</li><li>Мандарин</li><li>Улаан лооль</li></ul>Нярай хүүхдийг төмрийн дутагдлын цус багадалтаас урьдчилан сэргийлэхНялх хүүхдийн төмрийн дутагдлын цус багадалтаас урьдчилан сэргийлэхийн тулд хүүхдээ эхийн сүү эсвэл төмрөөр баяжуулсан хуурай сүүн бэлдмэлээр эхний жилдээ хооллоорой. Үхрийн сүү нь нялх хүүхдэд төмрийн сайн эх үүсвэр биш бөгөөд 1-ээс&nbsp;доош насны хүүхдэд хэрэглэхийг зөвлөдөггүй. 6 сараас хойш төмрийн хэрэглээг нэмэгдүүлэхийн тулд хүүхдээ төмрөөр баяжуулсан нухаш махаар эсвэл нэмэлт&nbsp;тэжээлээр&nbsp;өдөрт дор хаяж хоёр удаа хооллох хэрэгтэй. Нэг жилийн дараа хүүхдүүд өдөрт 20&nbsp;унци&nbsp;(591 миллилитр) -аас&nbsp;ихгүй сүү уухгүй байхыг анхаараарай. Хэт их сүү нь бусад хоол хүнс, түүний дотор төмрөөр баялаг хоолны хэрэглээг хязгаарладаг.Танд олон улсын GMP стандартад нийцсэн Dr.Muller брэндийн органик төмөр агуулсан Ферро Фрүүт төмрийн бэлдмэлийг санал болгож байна.&nbsp;Орчуулсан эх сурвалж&nbsp;https://www.mayoclinic.org/diseases-conditions/iron-deficiency-anemia/symptoms-causes/syc-20355034?fbclid=IwAR2HSdLlt2vqKN9U6DWdm940CPxTCJVrkDAmPw6ZGOdS_H7PXzF8yhVgBtI

2026-04-07 07:39

БАЙГАЛИЙН ГАРАЛТАЙ АНТИОКСИДАНТ

2026-04-07 07:39

Д.ЦЭНДЭЭХҮҮ: ХАНИАД ТОМУУ ОЛОН ТӨРЛИЙН ВИРУСЭЭР ҮҮСГЭГДЭЖ БАЙГАА ТУЛ ЯЛГАН ОНОШИЛЖ ОНОВЧТОЙ ЭМЧИЛГЭЭ ХИЙЛГЭХ НЬ ИЛҮҮ ҮР ДҮНТЭЙ

2026-04-07 07:39

АМАНД ГАШУУН АМТАГДАХ, ЦЭЭЖ ХОРСОХ, СӨӨРГӨӨНИЙ ҮЕД ХҮЧЛИЙГ СААРМАГЖУУЛАХ ЭМИЙН ЭМЧИЛГЭЭ ҮР ДҮНТЭЙ

2026-04-07 07:39

НЯЛХ ХҮҮХДИЙН ДАРХЛАА ХЭРХЭН ХӨГЖДӨГ ВЭ?

2026-04-07 07:39

ХҮҮХДИЙН ХООЛНЫ ЗУРШИЛ БУУРАХ ШАЛТГААНУУД, ХЭРХЭН НЭМЭГДҮҮЛЭХ ВЭ?

2026-04-07 07:39

НҮДНИЙ ЭРҮҮЛ МЭНДТЭЙ ХОЛБООТОЙ ТҮГЭЭМЭЛ АСУУЛТУУД

2026-04-07 07:39

ХУУРАЙШИЛТТАЙ НҮДЭНД ЗОРИУЛСАН БАЙГАЛИЙН ЭМЧИЛГЭЭ

2026-04-07 07:39

ХОРИО ЦЭЭРИЙН ДЭГЛЭМИЙН ҮЕД ДАРХЛААГАА ХЭРХЭН ДЭМЖИХ ВЭ?

2026-04-07 07:39

НҮД ЗАГАТНАХ ШАЛТГААНУУД, ХЭРХЭН АРГА ХЭМЖЭЭ АВАХ ВЭ?

2026-04-07 07:39

ХУМСАА МЭРЭХ НЬ ЮУНААС БОЛДОГ ВЭ? ХЭРХЭН ЗОГСООХ ВЭ?

2026-04-07 07:39

ТӨМРИЙН ДУТАГДЛААС ҮҮДЭЛТЭЙ ЦУС БАГАДАЛТ

МОНФА онлайн эмийн сан

Туслах цэс

Холбоо барих